“Ire! Ire! Iire mo anak.”

Ito ang mga salitang pilit na binabanggit ng aking CI sa loob ng delivery room ng isang hospital na di kalayuan sa aking paaralan.

“Masakit, masakit”

Ito naman ang pilit na isinasagot ng isang batang tila ba wala pang alam sa mundo.

Itago na lang natin siya sa pangalang “MARIA”.

Si Maria ay dinala sa ospital 6 oras bago niya iluwal ang isa na namang biyaya ng Diyos sa kanya — sapat na upang malaman ko ang kwento ng buhay niya.

Marahil ay nakarinig at nakakita na tayo ng menor de edad na nagbigay buhay sa isang bigay ng Maykapal. Sa halos isang taon kong pagiging isang student nurse, labing anim na taong gulang na babae ang pibakabatang nagnganak na aking narinig.

Ngunit si Maria ay labing tatlong taong gulang pa lamang — isang taon pa lamang ang nakaklipas magmula noong siya ay naging ganap na dalaga.

Iniwan siya ng kaniyang mga magulang ng siya’y isang munting supling pa lamang. Hindi niya nakita o naramdaman man lamang ang kalinga ng isang magulang. Ngunit salamat sa kaniyang lola na nag-alaga at patuloy na nag-aaruga sa kanya.

Labing tatlong taon ng kasa-kasama ni Maria ang kaniyang lola. Halos labing-tatlong taon ng iniahon ng lola ni Maria ang kanilang buhay sa pagtanggap ng labada, labing-tatlong taong pagtitiis sa hirap ng buhay.

Siyam na taong gulang pa lamang noon si Maria ng tumigil ang kaniyang lola sa pagtanggap ng labada dahil na rin sa pagod na idinudulot nito sa kaniya. Kung kaya sa halip na mawalan sila ng pagkain sa araw-araw ay ibinugaw ni lola si Maria sa edad na siyam.

Isang malungkot na pangyayari. Mararamdam mo sa kaniyang mga salita ang pait ng kahapon na gusto na niyang kalimutan..

Ngayon, hindi lang sil lola ang kailangang buhayin ni Maria, mayroon ng isang supling na dapat pakainin at arugain. Marahil ang makakaya ng buhayin ni Maria ang kaniyang lola at anak sa mabuting paraan at sa tulong na rin ng pamahalaan.

Ngunit isang katotohanan ang pilit na gugulo hindi lang sa isipan ni Maria ngunit pati na rin ng kanyang anak. Isang katotohanan na pilit na maghahanap ng kasagutan: Sino nga ba ang AMA ng ANAK ni MARIA?

 

April 17th, 2009 by thefinalsong I am a fourth year nursing student of Far Eastern University. He is part of one of the University wide organization in his school. He has the passion on writing. I'm from Mindoro, the land of the Tamaraws :)