Ang lahat ng mailalagay ko dito ay base sa aking experiences sa loob ng ilang taon kong paglalabas-masok at pag-attend ng programs sa FEU at pagsuporta sa school ko sa UAAP. Magiging bias ako ng konti. Konti lang naman. Hahahaha. Post ko naman ‘to e, walang pakialamanan. Hahahahaha.

1. Madaming gwapo - Sa totoo lang, hindi ko ‘to napansin nung umpisa. Iniisip ko nga dati na napaka-rare ng mga gwapo sa school. Pero nung nag-attend ako ng Concierto Piyu Otso Una last Friday, napagtanto ko na madami din palang gwapo sa school. Nagtatago lang pala sila. Kahit saan ako tumingin, may gwapo… although may mga chaka din. Pero carry lang. Hahahaha.

Hayaan niyo kong i-rank ang mga institute sa school base kung saan merong madaming gwapo. Isama na rin natin ang East Asia. Medyo subjective ‘to ok?

5. FEU-East Asia College – In fairness, kapag dumadaan ako sa teritoryo nila, may mga gwapo din akong nasa-sight. Halos lahat ng gwapo dito, emo.
4. Institute of Arts and Sciences – Hindi na ‘ko masyadong nagagawi sa building nila pero madami din talagang cute dito. ‘Yun nga lang halos lahat ng cute dito, bent. Hindi sila straight. Hahahahaha.
3. Institute of Accounts, Business and Finance – Ang mga future accountant, businessmen, whatevah. Madaming cute dito. Napapansin ko ‘yun lalo na ‘pag papunta kami ng library or nasa Tayuman kami. Merong konting mga baklush at bisexuals (daw) dito pero mas madami naman ang populasyon ng mga cute na straight guys.
2. Institute of Architecture and Fine Arts – Hahahahaha. Natawa ako sa sinabi ng magaling kong prof dati sa Economics na si Sir Acomular. Kapag nagtuturo daw siya sa IARFA, parang nasa ibang mundo daw siya. Naniniwala naman ako sa kanya. Ito ang institute ng mga emo, ng mga suicidal, mga adik, lasenggero, tambay. Hahaha. Joke. May friends ako dito ang normal lang talaga sa kanila ang ganito. Cute nga e. ‘Yung iba kasi, mukhang napakatough sa labas, gentle naman sa loob. At para sa ‘kin, ito ang pangalawang institute na may pinakamadaming hawt guys. Hahahaha.
1. Institute of Nursing – Mygadd. Nagulat pa ba kayo sa #1? Siyempre ang institute ko! Hindi lang dahil institute ko ‘to kaya ito ang nilagay ko sa top 1. Kung hindi kasi ako nagkakamali, kami pa rin ang may pinakamaraming populasyon sa Piyu. At in fairness, madaming cute sa institute namen. Kahit kanino niyo pa itanong. ‘Yun nga lang, nagkalat din dito ang mga bakla at bi-kla kaya girls… be warned. Madaming mga manloloko dito. Hahahahahaha.

Kung mapapansin niyo, hindi kasama ang mga girls dito. Pasensya na. Kahit madami ding maganda sa Piyu, hindi ako interesado sa kanila. Hahaha.

2. Mainipin - Isa ito sa mga napansin ko nung Friday habang nanunuod kami ng concert sa Piyu. Madaling mainip ang mga FEU students. Kapag may program, ayaw nila ng madaming satsat, ‘yung mapalabok. Gusto nila, straight-to-the-point lagi. Kaya kung magsasalita ka sa harap ng FEU crowd, siguraduhin mong may kwenta ang sasabihin mo dahil kung hindi, babatuhin ka ng mga bote ng mga schoolmate ko.

3. Outspoken – Isa ito sa mga gusto kong qualities ng FEU students. Hindi sila plastik. Pranka sila hindi lang sa salita, pati na din sa gawa. Sinasabi nila ang gusto nila. Kapag nanunuod kami ng UAAP at ang kalaban ay ADMU or DLSU, makikita mong tahimik lang ang crowd nila samantalang napaka-wild ng sa ‘min. Merong napapamura sa ganda ng laban, at kung anu-ano pang violent reactions. Ang mga ‘to ay nangyayari hindi dahil sa sinasabi ng mga tao na ‘walang breeding’. Haller. Mga ipokrito. As if naman hindi kayo nagmumura. At least kami, pag masaya kami, ipinapakita namin. Kapag galit kami, ipinapakita namin…

at hindi kami marunong mandaya. Hehehe. Peace.

4. Creative – Dito ka lang makakakita ng lumilipad na condom, garbage bag at mga bote habang mga nagcoconcert. Mga dahilan kung bakit biglang pinatay ‘yung music last Friday. Hay. Mga Tamaraws talaga, pasaway.

5. Tamad pumalakpak - Mygadd. Natatawa ako pero super totoo ‘to. Mahirap pabilibin ang mga tamaraws. Kung magpeperform ka on-stage, siguraduhin mong may kwenta ang gagawin mo. Ay, hindi lang basta may kwenta, impressive dapat! At ‘wag kang magkakamali, kung ayaw mong bulyawan ka. Minsan nga, kahit super ganda na ng performance mo, ‘pag hindi feel ng crowd , matatapos ka ng hindi man lang nakakalasap ni isang palakpak, pwera lang sa mga kaibigan mo na pinwersa mong palakpakan ka.

Ayan. Sa wakas na-post ko na din ‘to. Kating-kati na ‘kong i-post ‘to dito naka kasi mawala pa sa isip ko. Feeling ko tuloy kelangan ko na ng journal para may paglagyan ako ng thoughts ko kapag walang Internet connection. Sa mga makakabasa nito, wala lang. Sinabi ko lang ang mga napansin ko, ‘wag niyo kong i-kick out sa school. Mahal na mahal ko ang Piyu. Hehehehehe. At proud ako na maging parte ng isang FEU crowd!

I’m one of the chosen PIYU!